दशरथलाई मन परेका रचनाहरु

गीत

सर्मायौ कि ! बेहुलीको घुम्टो ओढिदा
सिउदो सँग साटिएको नाता जोडिदा

पराईको साथ रोज्नु तिम्रो कर्म अरे
नयाँ घर बसाउनु तिम्रो धर्म अरे
तर्सियौ की ! जिन्दगीको बाटो मोडिदा
सिउदोसँग साटिएको नाता जोडिदा

सृष्टी धान्न आफूलाई फूलाउनु पर्ने
रित रैछ भवरालाई डुलाउनु पर्ने
झस्कियौ कि ! माली पसी फूल गोडिदा
सिउदोसँग साटिएको नाता जोडिदा


- बोधे ९ धनकुटा
हाल: मलेसिया

गजल

सुमन मञ्जरी

रहर जत्ती सुकाको छु, तिम्रो शहरमा !
ईच्छाहरु लुकाको छु, तिम्रो शहरमा !!

चिन्दिन म भन्यौ,माफी भए गल्ती तिम्रा,
आँफै शिर झुकाको छु,तिम्रो शहरमा !!
नाता मेरा कोही छैनन्, र त ओहदामा,
थुप्रै मौका चुकाको छु,तिम्रो शहरमा !!

बनावटी देखे सबै,अनी यस्तो गरे,
हाँसो मात्रै फुकाको छु, तिम्रो शहरमा !!

अप्ठ्यारोमा पर्‍यो कोही,हाँस्ने मिल्छ निहुँ,
धेरै मन दु:खाको छु,तिम्रो शहरमा !!

दाङ्सिङ, नुवाकोट, हालः काडमाडौँ ।